ਕਾਕਰੋਚ ਜਨਤਾ ਪਾਰਟੀ’ ਤੋਂ ਬਾਅਦ ਐਲਵਿਸ਼ ਯਾਦਵ ਦੀ ‘ਖਰਗੋਸ਼ ਜਨਤਾ ਪਾਰਟੀ’ ਦੀ ਐਂਟਰੀ
ਕਾਕਰੋਚ ਜਨਤਾ ਪਾਰਟੀ’ ਤੋਂ ਬਾਅਦ ਐਲਵਿਸ਼ ਯਾਦਵ ਦੀ ‘ਖਰਗੋਸ਼ ਜਨਤਾ ਪਾਰਟੀ’ ਦੀ ਐਂਟਰੀ
ਨਵੀਂ ਦਿੱਲੀ, 11 ਜੂਨ: ਮਸ਼ਹੂਰ ਯੂਟਿਊਬਰ ਅਤੇ ਬਿੱਗ ਬੌਸ OTT ਸੀਜ਼ਨ-2 ਦੇ ਜੇਤੂ ਐਲਵਿਸ਼ ਯਾਦਵ ਇੱਕ ਵਾਰ ਫਿਰ ਸੋਸ਼ਲ ਮੀਡੀਆ ‘ਤੇ ਚਰਚਾ ਦਾ ਕੇਂਦਰ ਬਣ ਗਏ ਹਨ। ਇਸ ਵਾਰ ਉਨ੍ਹਾਂ ਨੇ ‘ਕਾਕਰੋਚ ਜਨਤਾ ਪਾਰਟੀ’ (CJP) ਦੇ ਜਵਾਬ ਵਿੱਚ ਆਪਣੀ ਕਥਿਤ ਨਵੀਂ ‘ਖਰਗੋਸ਼ ਜਨਤਾ ਪਾਰਟੀ’ (KJP) ਦਾ ਪੋਸਟਰ ਅਤੇ ਚੋਣ ਮਨੋਰਥ ਪੱਤਰ ਜਾਰੀ ਕਰ ਦਿੱਤਾ ਹੈ।ਐਲਵਿਸ਼ ਵੱਲੋਂ ਸਾਂਝੇ ਕੀਤੇ ਗਏ ਪੋਸਟਰ ਵਿੱਚ ਕਈ ਦਿਲਚਸਪ ਅਤੇ ਵਿਅੰਗਾਤਮਕ ਨਾਅਰੇ ਲਿਖੇ ਗਏ ਹਨ। ਪੋਸਟਰ ਵਿੱਚ “ਗਾਜਰ ਸਾਡਾ ਹੱਕ, ਸਪੀਡ ਸਾਡੀ ਪਛਾਣ”, “ਖਰਗੋਸ਼ ਏਕਤਾ ਜ਼ਿੰਦਾਬਾਦ” ਅਤੇ “ਤੇਜ਼ ਦਿਮਾਗ, ਲੰਬੇ ਕੰਨ, ਸਭ ਦਾ ਵਿਕਾਸ ਗਾਜਰ ਦੇ ਨਾਲ” ਵਰਗੇ ਨਾਅਰੇ ਸ਼ਾਮਲ ਹਨ।
ਸੋਸ਼ਲ ਮੀਡੀਆ ‘ਤੇ ਇਹ ਪੋਸਟ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਕੁਝ ਹੀ ਘੰਟਿਆਂ ਵਿੱਚ ਇਸ ਨੂੰ 20 ਲੱਖ ਤੋਂ ਵੱਧ ਲੋਕਾਂ ਨੇ ਦੇਖਿਆ ਹੈ ਅਤੇ ਇਸ ‘ਤੇ ਹਜ਼ਾਰਾਂ ਟਿੱਪਣੀਆਂ ਆ ਚੁੱਕੀਆਂ ਹਨ। ਇਸ ਦੌਰਾਨ CJP ਸਮਰਥਕਾਂ ਵੱਲੋਂ ਕੀਤੀ ਗਈ ਆਲੋਚਨਾ ਦਾ ਜਵਾਬ ਦਿੰਦਿਆਂ ਐਲਵਿਸ਼ ਯਾਦਵ ਨੇ ਇੱਕ ਹੋਰ ਵਿਵਾਦਿਤ ਟਿੱਪਣੀ ਕੀਤੀ। ਉਨ੍ਹਾਂ ਲਿਖਿਆ, “ਮੈਂ ਹੁਣ ਕਾਕਰੋਚ ਜਨਤਾ ਪਾਰਟੀ ਦੇ ਮੈਂਬਰਾਂ ਨਾਲ ਬਹਿਸ ਨਹੀਂ ਕਰਦਾ, ਬਹਿਸ ਕਰਨ ਨਾਲੋਂ ਪੈਸਟ ਕੰਟਰੋਲ ਬਿਹਤਰ ਕੰਮ ਕਰਦਾ ਹੈ।” ਵਿਵਾਦ ਨੂੰ ਹੋਰ ਹਵਾ ਦਿੰਦਿਆਂ ਐਲਵਿਸ਼ ਨੇ ਇੱਕ ਹੋਰ ਪੋਸਟਰ ਜਾਰੀ ਕੀਤਾ, ਜਿਸ ਵਿੱਚ ਆਪਣੇ ਸਮਰਥਕਾਂ ਨੂੰ ਜੰਤਰ-ਮੰਤਰ ਪਹੁੰਚਣ ਦੀ ਅਪੀਲ ਕੀਤੀ ਗਈ ਹੈ। ਪੋਸਟਰ ਵਿੱਚ ਉਨ੍ਹਾਂ ਨੇ ਉੱਥੇ ਪਹੁੰਚਣ ਵਾਲਿਆਂ ਨੂੰ “ਮੁਫ਼ਤ ਗਾਜਰਾਂ” ਦੇਣ ਦਾ ਵਾਅਦਾ ਵੀ ਕੀਤਾ ਹੈ।ਹਾਲਾਂਕਿ, ਸੋਸ਼ਲ ਮੀਡੀਆ ਦੇ ਕਈ ਯੂਜ਼ਰ ਇਸ ਪੂਰੇ ਮਾਮਲੇ ਨੂੰ ਐਲਵਿਸ਼ ਯਾਦਵ ਦੇ ਕਿਸੇ ਆਉਣ ਵਾਲੇ ਗੀਤ ਜਾਂ ਪ੍ਰੋਜੈਕਟ ਦੀ ਪ੍ਰਮੋਸ਼ਨ ਨਾਲ ਜੋੜ ਕੇ ਦੇਖ ਰਹੇ ਹਨ। ਕਈ ਲੋਕਾਂ ਦਾ ਮੰਨਣਾ ਹੈ ਕਿ ਇਹ ਇੱਕ ਸੋਚੀ-ਸਮਝੀ ਮਾਰਕੀਟਿੰਗ ਰਣਨੀਤੀ ਹੋ ਸਕਦੀ ਹੈ। ਦੂਜੇ ਪਾਸੇ ਐਲਵਿਸ਼ ਯਾਦਵ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਆਪਣੀ ਗੱਲ ਕਹਿਣ ਦਾ ਪੂਰਾ ਅਧਿਕਾਰ ਹੈ ਅਤੇ ਉਹ ਆਪਣੇ ਵਿਚਾਰ ਖੁੱਲ੍ਹ ਕੇ ਰੱਖਦੇ ਰਹਿਣਗੇ। ਫਿਲਹਾਲ ‘ਖਰਗੋਸ਼ ਜਨਤਾ ਪਾਰਟੀ’ ਨੂੰ ਲੈ ਕੇ ਸੋਸ਼ਲ ਮੀਡੀਆ ‘ਤੇ ਚਰਚਾਵਾਂ ਦਾ ਦੌਰ ਜਾਰੀ ਹੈ ਅਤੇ ਲੋਕ ਇਸ ਗੱਲ ਦੀ ਉਡੀਕ ਕਰ ਰਹੇ ਹਨ ਕਿ ਇਹ ਸੱਚਮੁੱਚ ਕੋਈ ਨਵੀਂ ਮੁਹਿੰਮ ਹੈ ਜਾਂ ਸਿਰਫ਼ ਮਨੋਰੰਜਨ ਅਤੇ ਪ੍ਰਮੋਸ਼ਨ ਦਾ ਹਿੱਸਾ
